Ushbu bitiruv malakaviy ishida ingliz va o‘zbek tillaridagi idiomatik ifodalarning kontekstual xususiyatlari, ularning semantik ma’nosi hamda tarjima jarayonidagi muammolari tahlil qilingan. Tadqiqot davomida idiomalarning til rivojlanishidagi o‘rni, kontekstning ma’no shakllanishiga ta’siri, ingliz va o‘zbek tillaridagi idiomalarning qo‘llanish holatlari qiyosiy jihatdan o‘rganilgan. Shuningdek, ishda idiomalarni tarjima qilishda uchraydigan lingvistik va madaniy muammolar, ularning kontekst orqali to‘g‘ri talqin qilinishi hamda madaniy fon yaratishdagi ahamiyati yoritilgan. Ingliz va o‘zbek tillaridagi idiomalarning strukturaviy xususiyatlari, ularning milliy-madaniy qarashlarni ifodalashdagi roli misollar asosida tahlil qilingan. Mazkur tadqiqot natijalari tilshunoslik, tarjimashunoslik va qiyosiy lingvistika sohalarida idiomatik birliklarni o‘rganishda nazariy hamda amaliy ahamiyat kasb etadi.