Ushbu maqolada leksik-semantik tizimning tilshunoslikdagi nazariy mohiyati hamda uning badiiy matn qurilishi, mazmuniy yaxlitligi va estetik ta’sirchanlikni yuzaga chiqarishdagi o‘rni yoritiladi. Leksik ma’no, semantik munosabatlar (sinonimiya, antonimiya, giponimiya, paronimiya, kontekstual ma’nodoshlik) va ularning matn ichida aktualashuvi masalalari lingvopoetik nuqtayi nazardan tahlil qilinadi. Shuningdek, badiiy matn tahlilida semantik va metasemiotik bosqichlarning o‘zaro bog‘liqligi ko‘rsatib beriladi.