Yersinia pestis va Francisella tularensis tomonidan keltirib chiqariladigan o‘lat va tulyaremiya kasalliklari o‘ta xavfli yuqumli kasalliklar guruhiga kirib, yuqori o‘lim ko‘rsatkichlari, tez tarqalishi va og‘ir klinik kechishi bilan ajralib turadi. Ushbu kasalliklarning tabiiy o‘choqlarga ega ekanligi, ularning kemiruvchilar, yovvoyi hayvonlar hamda qon so‘ruvchi hasharotlar bilan chambarchas bog‘liqligini ko‘rsatadi. Shu sababli ularni nazorat qilish faqat tibbiy choralar bilangina emas, balki veterinariya va sanitariya-epidemiologik tadbirlar bilan ham uzviy bog‘liqdir.