Tishsiz jag’lar tasniflari. Tishlar olib tashlangandan so‘ng alveolyar o‘simtalar odatda dastlab yaxshi ifodalangan bo‘ladi, biroq vaqt o‘tishi bilan ular asta-sekin atrofiyaga uchraydi. Tishlar olib tashlanganidan qancha ko‘p vaqt o‘tsa, atrofiyaning darajasi shuncha yaqqol namoyon bo‘ladi. Agar tishlar parodontit sababli olib tashlangan bo‘lsa, atrofik jarayonlar, odatda, yanada tezroq kechadi.