Renin–angiotenzin–aldosteron tizimi (RAAT) organizmda arterial qon bosimini, suv–tuz muvozanatini va gemodinamikani boshqarishda muhim o‘rin tutadi. Ushbu tizimning ortiqcha faollashuvi arterial gipertenziya, yurak yetishmovchiligi, surunkali buyrak kasalliklari va metabolik buzilishlar patogenezida asosiy mexanizmlardan biri hisoblanadi. Shu sababli RAATga ta’sir qiluvchi dori vositalari farmakologiyada alohida ahamiyatga ega. So‘nggi yillarda klassik dori guruhlariga qo‘shimcha ravishda RAATning turli bo‘g‘inlariga aniq va selektiv ta’sir ko‘rsatuvchi yangi avlod preparatlari ishlab chiqildi. Ushbu mavzu farmakologiya nuqtayi nazaridan zamonaviy va muhim hisoblanadi