Nafas olish sistemasi kasalliklarini o‘rganishning zamonaviy usullari nafas yo‘llari va o‘pka patologiyalarini erta aniqlash, aniq tashxislash hamda davolash samaradorligini baholashga qaratilgan. Asosiy usullarga spirometriya va pletizmografiya (o‘pka ventilyatsion funksiyasini baholash), rentgenografiya va kompyuter tomografiya (KT) (strukturaviy o‘zgarishlarni aniqlash), bronxoskopiya (to‘g‘ridan-to‘g‘ri vizual tekshiruv va biopsiya), pulsoximetriya va arterial qon gazlari tahlili (gaz almashinuvi holatini baholash) kiradi. Shuningdek, molekulyar-biologik va immunologik testlar, biomarkerlar tahlili hamda sun’iy intellekt asosidagi tasviriy diagnostika usullari kasalliklarning patogenezini chuqur o‘rganish va shaxsiylashtirilgan davolashni rivojlantirishga xizmat qilmoqda.