ko‘zning retseptor apparati to‘r pardoning ko‘ruv qismidan iborat. To‘r parda tashqi pigment va ichki nur sezuvchi nerv qavatlardan tashkil topgan. To‘r pardoning tashqi pigment qavati bir qavat pigment hujayralaridan tashkil topgan. Ichki nerv hujayralari qavati esa asosan birin-ketin radial joylashgan uch xil neyronlar; tashqi tayoqcha va kolbacha shaklidagi fotoretseptor, o‘rta bipolyar va ichki ganglionar neyronlardan tashkil topgan. Bulardan tashqari, to'r pardada gorizontal va amakrin neyronlar hamda glial hujayralar (Myuller ustun-hujayralari yoki tolalari) ham joylashgan. Ushbu hujayralarning tanalari va o simtalari ma'lum tartibda joy lashib, yorug’lik mikroskopida to‘r pardada farqlanadigan 10 ta qavatni hosil qiladi.