Bosh miya katta yarim sharlarining po‘stlog‘i 3 mm atrofida qalinlikdagi kulrang modda qatlamidan iborat. Ayniqsa u oldingi markaziy pushtada yaxshi rivojlangan bo‘lib, qalinligi 5 mm ga еtadi. Juda ko‘p sonli pushtalar va burmalar bosh miya kulrang moddasining yuzasini ancha oshiradi. Po‘stloqda 10-14 mlrd atrofida nеrv hujayralari mavjud. Po‘stloqning hujayralarini joylanishi va tuzilishining ba’zi xususiyatlari, tolalarning joylanishi va funksional ahamiyati jihatidan bir-biridan farq qiluvchi turli sohalari maydonlar, dеb ataladi.