Mazkur ilmiy ish “Zamonaviy universitet modellarining tadrijiy rivojlanish tarixi” mavzusiga bag‘ishlangan bo‘lib, universitetlarning shakllanishi va rivojlanish bosqichlarini o‘rganishda taqqoslash metodining qo‘llanilishi tahlil qilinadi. Tadqiqotda Yevropa, AQSh va Osiyo universitetlarining tarixiy rivojlanishi, boshqaruv tamoyillari, ta’lim tizimlari hamda innovatsion jarayonlardagi farqli va o‘xshash jihatlar qiyosiy o‘rganilgan. Tadqiqotning maqsadi zamonaviy universitet modellarining evolyutsiyasi bilan bog‘liq xalqaro tajribalarni aniqlash va milliy ta’lim tizimini takomillashtirishda ulardan samarali foydalanish imkoniyatlarini ochib berishdan iborat. Taqqoslash metodi yordamida quyidagi jihatlar o‘rganilgan:  Yevropadagi klassik universitetlar (Bolonya, Sorbonna) va AQShning tadqiqotga yo‘naltirilgan universitetlari o‘rtasidagi tarixiy va strukturaviy farqlar.  Singapur va Janubiy Koreya universitetlarining texnologik innovatsiyalarga asoslangan rivojlanish strategiyalari.  Milliy universitetlarni xalqaro ta’lim standartlariga moslashtirish imkoniyatlari. Tadqiqotning amaliy ahamiyati O‘zbekiston Respublikasi ta’lim tizimida zamonaviy yondashuvlarni joriy etish va xalqaro reytinglarda yuqori ko‘rsatkichlarga erishish uchun ilmiy-uslubiy asos yaratishdan iboratdir. Mazkur ish O‘zbekistonning ta’lim strategiyasiga mos ravishda xalqaro tajribadan foydalanib, milliy universitetlarni rivojlantirish bo‘yicha amaliy tavsiyalar ishlab chiqishda muhim ahamiyatga ega.