Insoniyat juda ko`plab urushlarni boshidan kechirgan bo`lib, eng dahshatlisi, 50 milliondan ortiq kishining yostig`ini quritgan, XX asr fojiasi bo`lmish ikkinchi jahon urushidir. Olti yil (1939 yil sentyabr - 1945 yil sentyabr) davom etgan bu urush yer sharining 80% aholisi joylashgan hududni, 61ta mamlakatni o`z ichiga qamrab oldi. Urushning asosiy aybdorlari jahonga hukmronlik qilish da`vosi bilan maydonga chiqqan Adolf Gitler va Iosif Stalin yurgizgan agressiv siyosat bo`ldi.