Annotatsiya: Mazkur maqolada Mesopotamiya sivilizatsiyasining san’at va yozuv sohalaridagi rivojlanishi keng yoritilgan. Mesopotamiya, Dajla va Furot daryolari oralig‘ida joylashgan bo‘lib, qadimiy dunyo madaniyatida eng yuksak darajada rivojlangan hududlardan biridir. San’at va yozuv shakllanishi, geografik va ijtimoiy omillar, diniy qarashlar va iqtisodiy tizimdagi o‘zgarishlar bilan chambarchas bog‘liqdir. Shumerlar tomonidan yaratilgan mixxat yozuvi va diniy san’atning shakllanishi bu sivilizatsiyaning o‘ziga xos jihatlarini tashkil etadi. San’atning asosiy mavzusi diniy timsollar, hukmdorlar obrazi, harbiy g‘alabalar va mifologik mavjudotlar bo‘lib, me’morchilikda esa ziguratlar asosiy o‘rinda turadi. Yozuvning yaratilishi iqtisodiy va siyosiy hayotda ulkan o‘zgarishlarga olib kelgan. Hammurabi qonunlari va “Gilgamesh dostoni” kabi asarlar insoniyat tarixida muhim o‘rin tutadi. Maqola Mesopotamiya san’ati va yozuvining keyingi davr sivilizatsiyalariga ta’siri va uning ilmiy-ijtimoiy ahamiyatini chuqur tahlil etadi.