Zamonaviy dunyo duch kelayotgan jadal global oʻzgarishlar nuqtayi nazaridan qaraganda, Markaziy Osiyo hududi mintaqaviy rivojlanishning barcha jihatlariga — siyosat va iqtisodiyot, ekologiya va madaniy-gumanitar mezonlarga taʼsir koʻrsatuvchi jiddiy geosiyosiy oʻzgarishlar davrini bosib oʻtayotganini kuzatish mumkin. Markaziy Osiyo – iqtisodiy, energetik va geosiyosiy jihatdan dunyodagi strategik ahamiyatga ega mintaqalardan biri hisoblanadi. XXR tomonidan 2013-yilda boshlangan “Bir Kamar va Yo‘l” tashabbusi (Belt and Road Initiative, BRI) ushbu hududning strategik o‘rnini yanada oshirdi. BRI loyihasi xalqaro savdo, transport va infratuzilmani rivojlantirish orqali global integratsiyaga erishishni maqsad qilgan. Ammo bu tashabbus bir qancha muammolar va o‘ziga xos dinamikani keltirib chiqardi.