“Avesto” kitobi oʻzining ma’no va mohiyati jihatidan tengi yoʻq yozma manbadir. Bu muqaddas kitobda joʻgʻrofiy, tarixiy joy nomlari, Sipiytmon Zardusht haqida 70 dan ziyod afsona va rivoyatlar (ulardan ayrimlari ushbu kitobga ilova qilinmoqda), kosmogoniya, falsafa, tibbiyot, iqtisod, pedagogika, huquqshunoslik va boshqa fanlarga oid ma’lumotlar berilgan. Zardushtning ta’limoti qabilachilik va yakka xudolikka sajda qilishga qaratilgan boʻlib, undan adolat, mehnat va mehnatsevarlik, halollik, yaxshilik va ezgulik haqidagi fikrlar oʻrin egallagan. Zardushtning ma’naviy-ahloqiy ta’limotida, yaxshi fikr (gumata), yaxshi soʻz (gugta) va yaxshi ish (gvorishta)ga alohida e’tibor berilgan. U odamlarning teng huquqli boʻlib yashashi, bir-biriga yaxshi munosabatda boʻlishi va oʻzaro yordam berishi tarafdori boʻlgan. Adolatsizlik, shafqatsizlik, zoʻravonlik, shuhratparastlik, tuhmat va hasadgoʻylik hamda va’daga vafosizlikni qattiq qoralagan