Dinshunoslik fanining predmeti dinni jamiyat hayotida mavjud bo‘lgan ijtimoiy va ma’naviy hodisa sifatida ilmiy jihatdan o‘rganishdan iborat. Bu fan dinning kelib chiqishi, rivojlanishi, jamiyat va inson hayotiga ta’siri, diniy e’tiqod va marosimlarning mazmunini tahlil qiladi. Dinshunoslik fanini o‘qitishdan maqsad talabalarga diniy va milliy qadriyatlarning tarixiy mushtarakligini tushuntirish, ularning umuminsoniy qadriyatlar bilan uyg‘unligini anglatish hamda diniy bag‘rikenglik madaniyatini shakllantirishdir. Uning vazifalari esa dinning jamiyatga ijtimoiy, ma’naviy va ruhiy ta’sirini ochib berish, ibtidoiy, milliy va jahon dinlari haqida bilim berish, dinning tarixiy taraqqiyotdagi o‘rnini tushuntirish.