Ichimlik suvining ifloslanishi sabablari orasida sanoat chiqindilari va kimyoviy moddalar, qishloq xo'jaligi pestitsidlari hamda o'g'itlarning yerga singishi, aholi ko'payishi sababli ko'proq oqova suvlar hosil bo'lishi, kanalizatsiya tizimlarining nosozligi yoki to'g'ri ishlamasligi kabi omillar kiradi. Jahon sog‘liqni saqlash tashkiloti (JSST) ma’lumotlariga ko‘ra, rivojlanayotgan mamlakatlarda ifloslangan suv tufayli olingan kasalliklar yiliga taxminan 1,6 million odamning o‘limiga sabab bo‘ladi. Shamol va yomg'ir orqali sanoat changlari va chiqindilari ham suv manbalariga tushib, ularni ifloslantiradi. Shu bilan birga, tabiiy ofatlar, masalan, sel oqimlari ham suv sifatiga salbiy ta'sir ko'rsatishi mumkin