Ushbu maqolada teatr san’ati rivojida muhim o‘rin tutgan Konstantin Stanislavskiy tizimining asosiy tamoyillari hamda uning bugungi zamonaviy teatr jarayonlarida tutgan o‘rni tahlil qilinadi. Aktyorlik mahorati fanida Stanislavskiy tizimi o‘quv jarayonining markaziy metodikasi sifatida qaralib, hozirgi davr aktyorlik talablari, yangi texnologiyalar va psixologik yondashuvlar bilan uyg‘unlashtirilgan holatda o‘rganiladi. Maqolada tizimning asosiy komponentlari – ichki ishonch, sahnaviy haqiqat, rol ustida ishlash jarayoni, "Agar men shu vaziyatda bo‘lsam..." tamoyili hamda ijodiy holatga kirish metodlari haqida ilmiy tahliliy fikr yuritiladi.