STEAM taʼlim texnologiyasida fanlararo integratsiya jarayonlari.

Maqolada STEAM (fan, texnologiya, muhandislik, san’at va matematika) ta’lim texnologiyasida fanlararo integratsiya jarayonlarining mohiyati, darajalari va pedagogik mexanizmlari tahlil qilingan. Integratsiyaning uch darajasi, ya’ni ko‘pfanli (multidistsiplinar), fanlararo (interdistsiplinar) va fanlar ustidan (transdistsiplinar) yondashuvlar xorijiy va mahalliy ilmiy manbalar asosida qiyoslangan. STEAM da markaziy integrator vazifasini muhandislik dizayni va loyihaviy faoliyat bajarishi ko‘rsatilgan. Fanlararo integratsiyaning besh bosqichli pedagogik modeli taklif etilgan: muammoli vaziyat, fanlar bo‘yicha tadqiqot, muhandislik loyihalash, ijodiy-badiiy talqin, refleksiya va baholash. Modelning maktab sharoitida qo‘llanilishi “suv tejovchi sug‘orish tizimi” loyihasi misolida izohlangan va amaliy tavsiyalar berilgan. Model nazariy-tahliliy xarakterga ega bo‘lib, uning samaradorligi pedagogik tajriba-sinovda tekshirilishi lozim.