Steam ta'lim texnologiyasi asosida maktab o'quvchilarini kasbga yo'naltirish.

Maqolada STEAM ta’lim texnologiyasi asosida maktab o‘quvchilarini kasbga yo‘naltirishning nazariy asoslari yoritilgan. Butunjahon iqtisodiy forumi ma’lumotlariga ko‘ra, 2030-yilgacha mehnat bozorida jiddiy o‘zgarishlar kutilmoqda va bu o‘quvchilardan moslashuvchan kompetensiyalarni talab qiladi. Ijtimoiy-kognitiv karyera nazariyasi, Xolland va Syuper qarashlari hamda STEAM konsepsiyasi asosida kasbga yo‘naltirishning to‘rt bosqichli modeli (uyg‘otish, sinab ko‘rish, bog‘lash, qaror qabul qilish) taklif etilgan. Shuningdek, STEAM komponentlari va kasb sohalari o‘rtasidagi bog‘liqlik ko‘rsatilgan, modelning samaradorlik ko‘rsatkichlari (kasbiy ishonch, moslik, kasbiy maqsad, tanlov ko‘lamliligi) belgilangan. Model nazariy-tahliliy xarakterga ega bo‘lib, kelgusida pedagogik tajriba-sinovda tekshirilishi nazarda tutilgan.