O‘qituvchi (pedagog) – pedagogik, psixologik va mutaxas-sisligi yo‘nalishlari bo‘yicha maxsus ma’lumot, kasbiy tayyorgarlik, yuksak axloqiy fazilatlarga ega hamda ta’lim muassasalarida faoliyat ko‘rsatvchi shaxs O‘zbekiston Respublikasi “Ta’lim to‘g‘risida”gi Qonunining 5-moddasi 3-bandiga muvofiq ta’lim muassasalarida sudlangan shaxslarning pedagogik faoliyat bilan shug‘ullanishlariga yo‘l qo‘yilmaydi. O‘qituvchi pedagogik muloqot jarayonining faol ishti-rokchisi sifatida o‘zida shu kabi bir qator sifatlarning tarkib topishiga erishishi zarur. Chunonchi, u eng avvalo, mulohaza-li, bosiq, vaziyatni to‘g‘ri baholay oladigan, mavjud ziddiyat-larni bartaraf etishning uddasidan chiqa olishi zarur. O‘quvchilar, ota-onalar va hamkasblari bilan muloqot jarayo-nida fikrini to‘liq bayon etilishiga ahamiyat qaratishi maqsad-ga muvofiq. Ular bilan muloqoqt jarayonida so‘zni salbiy ho-latlar haqidagi dalillarni keltirishdan emas, aksincha, o‘quv-chi (hamkasb, ota-onalar)ning muvaffaqiyatlarini e’tirof eti-shi, ularning yanada boyishiga ishonch bildirishi kerak. Mu-loqot jarayonida o‘qituvchining so‘zlaridan suhbatdoshiga nisbatan xayrixohlik, samimiylik, do‘stona munosabatlar sezilib turishi kerak.