Metodika nomi: “Agar men bo‘lsam...” — og‘zaki tasavvurni aniqlash metodikasi Maqsad: Bolalarning og‘zaki tasavvuri, fantaziya darajasi va tasvirli ifoda qilish layoqatini aniqlash. Ko’rsatma: Bolaga “Agar men ... bo‘lsam, men ...” degan boshlang‘ich jumla beriladi. Bola gapni o‘zi xohlagancha davom ettiradi. Har bir topshiriqda turli predmetlar aytiladi. O‘tkazish tartibi: Bola bilan tinch sharoitda individual tarzda suhbat o‘tkaziladi. Psixolog bolaga quyidagicha topshiriq beradi: “Men senga bir nechta so‘zlar aytaman. Har safar shu so‘z bilan gap tuz. Masalan, ‘Agar men qush bo‘lsam...’ deb boshlanadigan gapni davom ettir.” Har bir predmet alohida aytiladi. Bola javobini og‘zaki aytadi. Javoblar yozib olinadi yoki diktofon orqali qayd qilinadi. Javoblar mazmuni, obrazliligi va noodatiyligi bo‘yicha baholanadi