Metodika nomi: "Tasavvur (fantaziya) darajasini aniqlash metodikasi" Maqsadi: Bolalarning tasavvur (fantaziya) darajasini, ijodiy fikrlash va ramziy o‘xshatish qobiliyatini aniqlash. Metodika orqali bola bir xil shaklni turlicha narsalarga o‘xshatib, ularning tafakkur elastikligi va original fikrlash darajasi baholanadi. O‘tkazish tartibi: Bolaga 10 ta bir xil shakl (doira yoki kvadrat) chizilgan varaq beriladi. Psixolog quyidagi ko‘rsatmani beradi: “Mana bu doiralar (yoki kvadratlar) oddiy shakllar. Ularni turli narsalarga o‘xshatib ko‘r. Har birini o‘zgacha narsaga aylantir. Xohlasang, ustiga chiz, xohlasang aytib ber.” Bola har bir shaklni nimagadir o‘xshatib aytadi yoki chizadi. Javoblar yozib olinadi (masalan: “bu quyosh”, “bu soat”, “bu yuz” va h.k.). Bola chizish yoki aytishda qiynalsa, unga ilhom beruvchi savollar bilan yordam berish mumkin, lekin javob yo‘nalishini aytib qo‘ymaslik kerak.