Ushbu mustaqil ish “Qum-terapiya bolalar bilan ishlash usuli sifatida” mavzusiga bag‘ishlangan bo‘lib, unda qum terapiyasining kelib chiqishi, mohiyati va maktabgacha yoshdagi bolalar bilan ishlashdagi ahamiyati yoritilgan. mustaqil ishda qum terapiyasining qadimdan davolash usuli sifatida qo‘llanilgani, Ibn Sino asarlarida ham qum bilan davolash haqida ma’lumotlar uchrashi qayd etilgan. Asosiy qismda qum terapiyasining bolalar ruhiy holatiga ijobiy ta’siri, stress va psixologik zo‘riqishlarni kamaytirishdagi roli tushuntiriladi. Qum bilan ishlash bolalarda tinchlanish, o‘z his-tuyg‘ularini erkin ifodalash, muloqot ko‘nikmalarini rivojlantirish hamda o‘ziga bo‘lgan ishonchni oshirishga yordam berishi ta’kidlangan. Shuningdek, qum terapiyasi qaysi holatlarda qo‘llanilishi va qaysi holatlarda tavsiya etilmasligi (qarshi ko‘rsatmalar) batafsil bayon etilgan. Mustaqil ish da qum terapiyasining asosiy bosqichlari — xaos, jang va chiqish bosqichlari izohlanib, har bir bosqich bolaning ichki kechinmalari bilan bog‘lab tushuntirilgan. Amaliy mashg‘ulotlar bo‘limida “Tanishuv”, “Yomg‘ir”, “Top-chi”, “Kulgili hikoya”, “Mening shahrim” kabi o‘yinlar orqali qum terapiyasini tashkil etish usullari keltirilgan. Xulosa qilib aytganda, ushbu mustaqil ish qum terapiyasining bolalar psixologik rivojlanishidagi muhim o‘rnini ochib beradi.