Mazkur kursni tugatish ishining mavzusi “Maktabga tayyorlov guruhi tarbiyalanuvchilarida mantiqiy tafakkurni shakllantirish yo’llari” deb nomlangan bo‘lib, u 3 ta bob, 12 ta paragraf, xulosa, foydalanilgan adabiyotlar ro‘yxatidan iborat bo‘lib, jami 60 varaqdan iborat. Kursni tugatish ishining kirish qismida mavzuning dolzarbligi, uning hozirgi maktabgacha ta’lim tizimidagi o‘rni, xorijiy ta’lim tajribalarini o‘rganish zarurati asoslangan. Shuningdek, kurs ishining maqsadi, vazifalari, ilmiy va amaliy ahamiyati aniq ko‘rsatib o‘tilgan. Mantiqiy tafakkurni bolalikdan shakllantirish bugungi zamonaviy jamiyatda har bir bola uchun muhim kompetensiyalardan biri sanaladi. Mantiqiy o‘ylash qobiliyatiga ega bo‘lgan shaxs kelajakda murakkab hayotiy vaziyatlarni mustaqil hal eta oladi, fikrlash madaniyati yuqori bo‘ladi.  Mazkur ishning birinchi bobida maktabgacha ta’lim tizimida bolalarning mantiqiy tafakkurini rivojlantirishning nazariy asoslari yoritilgan. Jumladan, mantiqiy tafakkurning mazmuni, yosh xususiyatlari bilan bog‘liqligi, mantiqiy mashg‘ulotlarning pedagogik-psixologik mohiyati bayon etilgan. Shuningdek, xorijiy mamlakatlar — Finlyandiya, AQSh, Janubiy Koreya, Yaponiya tajribasi asosida ta’lim muhitida bolalarning erkin fikrlashi, muammoli vazifalarni hal qilishga yo‘naltirish, STEAM, AR/VR texnologiyalar, loyiha asosida o‘qitish kabi yondashuvlar tahlil etilgan. Ishning ikkinchi bobida esa xorijiy yondashuvlarni O‘zbekistonda qo‘llash imkoniyatlari, mavjud muammolar va ularning yechimlari tahlil qilingan. Maktabgacha ta’lim tashkilotlarida mantiqiy tafakkurni rivojlantirish bo‘yicha o‘yinlar tizimi, interaktiv mashg‘ulotlar namunasi, oilaviy ishtirokni rag‘batlantirishga oid amaliy tavsiyalar keltirilgan. Bundan tashqari, pedagoglarning malakasini oshirish, guruhda bolalar soni ko‘p bo‘lgan holatda individual yondashuvni tashkil etish bo‘yicha takliflar ham ishlab chiqilgan.