Ushbu taqdimot biologik faol birikmalar tushunchasi, ularning turlari, manbalari va ahamiyatini yoritishga bag‘ishlangan. Unda biologik faol moddalar organizmda kechadigan biokimyoviy va fiziologik jarayonlarga ta’siri, xususan fermentlar, retseptorlar, ion kanallari va genetik apparat bilan o‘zaro ta’siri misollar asosida tushuntiriladi. Shuningdek, ularning molekulyar xususiyatlari, fizik-kimyoviy parametrlari hamda biologik faollik bilan bog‘liqligi ko‘rib chiqiladi. Taqdimotda biologik faol birikmalarning tabiiy (o‘simlik, mikroorganizmlar, hayvonlar) va sun’iy (sintetik hamda biotexnologik) manbalari solishtirilib, ularning afzallik va kamchiliklari tahlil qilingan. Bundan tashqari, ushbu moddalar tibbiyot va farmatsevtikadagi o‘rni, xususan kasalliklarni davolash, profilaktika qilish va yangi dori vositalarini yaratishdagi ahamiyati keng yoritilgan. Umuman olganda, taqdimot biologik faol birikmalarning zamonaviy ilm-fan va farmatsevtika sanoatidagi muhim rolini ochib beruvchi kirish ma’ruza sifatida xizmat qiladi.