Ushbu ilmiy ish mintaqaviy iqtisodiy integratsiyalar va savdo bloklarini, birinchi navbatda, Yevropa Ittifoqi misolida tahlil qilishga bag‘ishlangan. Tadqiqotda mamlakatlarning integratsion birlashmalardagi ishtiroki ularning iqtisodiyotlarining o‘zaro bog‘liqligiga qanday ta’sir qilishi ko‘rib chiqiladi. Buning uchun muallif Yevropa Ittifoqi va alohida Yevropa mamlakatlari (Buyuk Britaniya, Bolgariya, Shveysariya, Shvetsiya, Germaniya, Gretsiya va boshqalar) YAIM o‘sish dinamikasini tahlil qiladi va iqtisodiy bog‘liqlik darajasini ko‘rsatuvchi korrelyatsiya koeffitsiyentlarini hisoblaydi. Ishda statistik va ekonometrik tahlil, jumladan, xalqaro manbalar ma’lumotlari asosida qiyosiy tahlil va korrelyatsion hisob-kitoblardan foydalanilgan. Olingan natijalar integratsiya darajasi, iqtisodiyot hajmi va integratsion tuzilmalar (EI, Shengen, yevrohudud) dagi ishtiroki mamlakatlarning bir-biriga iqtisodiy bog‘liqligiga qanday ta’sir ko‘rsatishini aniqlash imkonini beradi.