Koronavirus COVID-19 pandemiyasining jahon mamlakatlari qatori mamlakatimizda yuzaga keltirgan ijtimoiy-iqtisodiy oqibatlarini yumshatish vazifasi, birinchi galda, ushbu virusning aholi sog‘ligiga ta’sirini minimallashtirish, ushbu borada barcha tarmoqlar va faoliyat turlariga kiritilgan cheklovlarni ehtiyotkorlik bilan bosqichma-bosqich olib tashlash va kelgusidagi vaziyatni imkon qadar aniqroq baholay olish orqali inqirozdan keyingi iqtisodiy tiklanish siyosatini to‘g‘ri shakllantirish va amalga oshirishdan iborat bo‘ladi.     Kurs ishimiz mavzusi o‘laroq, olib borgan tadqiqotimiz natijasida koronovirus COVID-19 pandemiyasi tufayli mamlakatimizda yuzaga kelgan ijtimoiy-iqtisodiy vaziyatni imkon darajasida minimallashtirish maqsadida quyidagi takliflarni ishlab chiqdik: 1. Banklarning kapitallashuv darajasini oshirish kerak. Buning uchun, aholining bo‘sh mablag‘larini bankga jalb qilishda nostandart qarorlarni qabulish kerak bo‘ladi. Jumladan, Lyuksemburg, Jeneva, Syurix (Shveysariya) yoki Lixtenshteyn tajribalari buning yorqin misolidir. O‘zbekistonda 2009 yilda Lyuksemburg tajribasi asosida ya’ni bankga bir joriy moliya yili davomida jalb qilingan barcha moliyaviy qo‘yilmalarni yoki depozitlarning manbasi so‘ralmasligi bo‘yicha qaror mavjud bo‘lgan. Bu chora aholining bo‘sh mablag‘larini bankga qo‘yish uchun motivatsiya beradi, ammo, bu iqtisodiy jinoyatlarni keltirib chiqarishi, noqonuniy pulrani legalashtirish muammosini keltirib chiqarishi mumkin, lekin, ma’lum bir vaqt davomida banklarning kapitallashuv darajasini oshirib berishga xizmat qiladi. Shuningdek, taklifimizning davomi sifatida shuni ta’kidlashimiz kerakki, ushbu moliyaviy qo‘yilmalardan shakllantirilgan pul mablag‘lari kichik biznesga kredit sifatida yo‘naltirilishi ko‘proq maqsadga muvofiq bo‘lar edi. Mazkur sharoitda bizda olti-yetti oy mobaynida aholini elektron biznesga bo‘lgan salohiyatini oshirish kerak. Buning uchun, xorijiy kompaniyalar kirib kelgan, agar davlat elektron biznesga nisbatan import imtiyozlarini beradigan bo‘lsa, bu elektron bizneslar o‘z faoliyatini yanayam samaraliroq amalga oshirishga harakat qiladi va aholini ko‘proq qismini qamrab olishga intiladi. Bundan ko‘zlangan asosiy maqsad bandlikni taminlash hisoblanadi.