Hozirgi jahon moliyaviy-iqtisodiy inqirozi hukm surayotgan bir pallada har bir mamlakatda bo‘lgani kabi mamlakatimizda ham horijiy investitsiyalarni jalb qilish orqali mavjud korxonalarni yangi texnika va texnologiyalar bilan jihozlash hamda yangilarini tashkil etish lozimligi yaqqol ko‘zga tashlanmoqda. Bundan ko‘rinadiki investitsiya jalb qilishda ham o‘ziga xos talab va taklif munosabatlari katta ahamtiyatga ega bo‘lib, hozirgi kunda investitsiyaga bo‘lgan talab juda yuqori ekanligini fahmlash mumkin. SHu bois, investitsiyalarning ustuvor yo‘nalishlarini aniq belgilash, ilmiy asoslangan investitsiya qarorlarini qabul qilish, investitsiya faoliyatini oqilona tartibga solish asosida ichki va tashqi moliyaviy manbalarni, barcha shart-sharoitlarni hisobga olgan holda jalb qilish milliy iqtisodiyotning kelajagini belgilaydi.