Sanoatni modernizatsiyalash va raqobatbardoshlikni oshirish bo‘yicha qabul qilingan davlat dasturlari, xususan, O‘zbekiston Respublikasi Prezidentining 2019–2025 yillarga mo‘ljallangan to‘qimachilik sanoatini rivojlantirish strategiyasi hamda 2022–2026 yillarga mo‘ljallangan “Yangi O‘zbekiston taraqqiyot strategiyasi”da belgilangan vazifalar korxonalarda Lean boshqaruv tamoyillarini joriy etish orqali operatsion samaradorlikni oshirish va xarajatlarni optimallashtirishni talab etmoqda. Ushbu holatdan kelib chiqib, tadqiqotning maqsadi – O‘zbekiston to‘qimachilik korxonalarida Lean boshqaruv tamoyillarini qo‘llash asosida operatsion samaradorlikni oshirish va ishlab chiqarish xarajatlarini optimallashtirishning ilmiy-amaliy yo‘nalishlarini ishlab chiqishdan iborat.