Kirish Bozor iqtisodiyotida narx juda muhim tushunchadir. Chunki narx tovar va xizmatlarning qiymatini ko‘rsatadi va bozor ishtirokchilarining qaror qabul qilishiga ta’sir qiladi. Narx orqali ishlab chiqaruvchilar qancha mahsulot ishlab chiqarishni, iste’molchilar esa nima sotib olishni belgilab oladi. Shu sababli narxning vazifalarini bilish iqtisodiyot qanday ishlashini tushunishga yordam beradi. Bugungi kunda narxlarning o‘zgarishi, inflyatsiya, raqobatning kuchayishi kabi omillar iqtisodiy hayotda katta rol o‘ynaydi. Narxning vazifalarini o‘rganish – bozor mexanizmi qanday ishlashini tushunish uchun juda muhimdir. Ushbu mustaqil ishning maqsadi narxning mohiyati, uning asosiy vazifalari va iqtisodiyotdagi ahamiyatini sodda va aniq tarzda tushuntirib berishdan iborat. Ishni tayyorlashda T. Jorayev va D. Tojibayeva tomonidan yozilgan “Iqtisodiyot nazariyasi” (2021) kitobidagi ma’lumotlardan ham foydalanildi.