Xulosa o‘rnida ta’kidlash joizki, soxta yangiliklar zamonaviy axborot jamiyatida axborot xavfsizligi, ijtimoiy barqarorlik va ommaviy ongga ta’sir ko‘rsatadigan eng muhim omillardan biri sifatida namoyon bo‘lmoqda. Ular faqatgina noto‘g‘ri ma’lumot tarqatish bilan cheklanmay, balki jamoatchilik fikrini chalg‘itish, ishonchli institutlar nufuzini pasaytirish, turli ijtimoiy-siyosiy ziddiyatlarni kuchaytirish xavfini ham yuzaga keltiradi. Shu bois soxta yangiliklar fenomenini ilmiy nuqtai nazardan chuqur o‘rganish, ularning kelib chiqish sabablari, tarqalish mexanizmlari va jamiyat hayotiga ko‘rsatadigan ta’sirini tahlil qilish dolzarb ilmiy-amaliy vazifadir..