Media savodxonlik – zamonaviy axborot jamiyati sharoitida shaxs va jamiyat barqaror rivojlanishining strategik omillaridan biri hisoblanadi. 21-asrda axborot oqimlarining keskin ortishi, raqamli texnologiyalar va ijtimoiy tarmoqlarning hayotimizga chuqur kirib kelishi har bir insondan axborotni tanqidiy qabul qilish, ishonchliligini tekshirish, uni tahlil qilish va mas’uliyat bilan ulashish ko‘nikmalarini talab qilmoqda. Media savodxon shaxs nafaqat axborotni “iste’mol qiladi”, balki uni anglaydi, baholaydi va zaruratga ko‘ra ijodiy qayta ishlab, jamiyat manfaatiga xizmat qiladigan tarzda foydalanadi.