Jámiyette tártip hám nızamlılıq hár bir tarawda tabıs hám párawanlıqtıń tiykarǵı faktorı esaplanadı. Nızamlılıq insanlardıń bir-biri menen múnásibetinde, mámleket hám jámiyet institutlarınıń iskerliginde, sonıń menen birge, ekonomikalıq hám socialliq ómirde úzliksiz tártipti támiyinleydi. Huqıqıy tártip-bul jámiette nızamlar hám normativ-huqıqıy hújjetlerdiń tolıq hám turaqlı orınlanıwı nátiyjesinde júzege keletuǵın tártip bolıp tabıladı. Huqıqıy tártip jaysha nızamlardıń bar ekenligi emes, bálki olar ámelde islewin, puqaralar hám mámleket shólkemleri tárepinen húrmet penen qarawdi támiyinleydi.