Quyosh kollektori - quyosh nurlari energiyasini issiqlikka aylantiradigan issiqlik almashtirgichning maxsus turidir. Quyosh kollektori- quyosh energiyasini issiqlik energiyasiga aylantirib beruvchi qurilmaning asosiy elementi hisoblanadi. Oddiy issiqllik almashinuvchi qurilmalarda issiqlik bir suyuqlik(gaz)dan ikkinchisiga intensiv ravishda uzatiladi va bunda nurlanish yo’q, quyosh kollektorlarida esa ulardan farqli ravishda suyuqlikka energiya uzoq manbadan nurli energiya bilan uzatiladi. Quyosh nurlari konsentratsiyasiz bo’lganda tushayotgan nurlanish oqimi zichligi eng ko’pi bilan – 1100 W/m2 bo’ladi va bu o’zgaruvchan kattalikdir. Bunda to’lqin uzunliklari 0.3-3 mkm intervalda yotadi. Bu esa yutuvchi sirtlarning o’z nurlanish to’lqin uzunliklaridan yetarlicha qisqa. Shunday qilib, nurlanish ko’p bo’lgan hamda energiya oqimi zichligi kichik va o’zgaruvchan issiqlik almashinishi muammolari quyosh kollektorlarini o’rganish bilan bog’liq.