Islomdan oldingi Arabiston davri “Johiliya davri” deb atalgan bo‘lib, bu so‘z bilimsizlik va nodonlik ma’nosini anglatadi. Bu davrda arablar orasida ko‘pxudolik keng tarqalgan bo‘lib, ular turli sanamlarga sig‘inganlar. Jamiyatda axloqiy buzilishlar, qizlarni tiriklayin ko‘mish, mayxo‘rlik va zo‘ravonlik holatlari mavjud edi. Makka diniy markaz bo‘lib, Ka’bada ko‘plab butlar saqlangan.