Rekombinant DNK — turli manbalardan olingan DNK fragmentlarini birlashtirib, yangi genetik tarkib yaratish natijasida hosil bo‘lgan DNK molekulasi. Bu jarayon gen muhandisligining asosiy usullaridan biridir. Rekombinant DNK olish bosqichlari:Genning aniqlanishi va ajratilishi — kerakli gen ma’lumotini DNKdan ajratib olish. Vektor tanlash — genni tashuvchi sifatida plazmid yoki virus ishlatiladi. DNKni birlashtirish — restriktaza fermentlari yordamida gen va vektorni kesib, ligaza fermenti bilan birlashtirish. Transformatsiya — hosil bo‘lgan rekombinant DNKni mikroorganizmlarga (odatda bakteriyalarga) kiritish. Seleksiya va ko‘paytirish — faqat rekombinant DNKni olgan hujayralarni aniqlash va ko‘paytirish. Ma’lumot: Rekombinant DNK yordamida inson insulinini ishlab chiqarish, o‘simliklarda yuqori hosil beruvchi genlarni kiritish va biologik faol moddalarni olish mumkin.