Oqsillar — tirik organizmlarning asosiy makromolekulalari bo‘lib, hujayra tuzilishi, fermentativ kataliz, transport, regulyatsiya va himoya funksiyalarini bajaradi. Ular polipeptid zanjirlardan tashkil topgan bo‘lib, biologik faolligi uchlamchi va to‘rtlamchi tuzilishiga bog‘liq. Aminokislotalar — oqsillarning struktur birliklari hisoblanadi. Har bir aminokislota amin guruhi (–NH₂), karboksil guruhi (–COOH), vodorod atomi va yon radikal (R-guruh)dan iborat. Aminokislotalarning ketma-ketligi oqsilning tuzilishi va funksional xususiyatlarini belgilaydi.