•Kirish Biologiya fanida hujayra tirik organizmlarning eng kichik tuzilish va funksional birligi sifatida qaraladi. Har qanday hujayra o‘zida murakkab tuzilishga ega bo‘lib, unda turli xil organoidlar mavjud. Har bir organoid o‘ziga xos tuzilish va vazifaga ega bo‘lib, hujayraning umumiy hayotiy faoliyatini ta’minlash uchun bir-biri bilan chambarchas bog‘langan holda ishlaydi. Shu organoidlardan eng muhimlaridan biri endoplazmatik tarmoq va Goldji majmuasi hisoblanadi. •Hujayra ichida moddalarning sintezi, qayta ishlanishi, tashilishi va chiqarilishi doimiy davom etadigan murakkab jarayonlardir. Masalan, oqsillar ribosomada sintez qilinadi, biroq ular tayyor bo‘lgandan so‘ng ham hujayra ichida bevosita ishlatilmaydi. Ularni maxsus qayta ishlash, yig‘ish va kerakli joylarga yetkazish talab etiladi. Ana shu jarayonlarda endoplazmatik tarmoq va Goldji majmuasi asosiy rol o‘ynaydi.