Biosferada hayotning taqsimlanishi nihoyatda murakkab va xilma-xildir. yer yuzida jonli organizmlarning tarqalishi shunday sodir bo’lganki, materiklardagi organizmlarning biomassasi dunyo okeanlarining biomassasidan 800 marta ziyoddir. Agar okeanlardagi biomassalarning asosiy qismini hayvonot mahsuloti tashkil qilsa, quruqlikdagi biomassaning 90 foizini o’simlik mahsulotlari tashkil etadi. Okeanlarda hayvonlarning tarqalishi bir xil bo’lmaydi, lekin shunday bo’lishiga qaramasdan hayvonlar suv muhitining barcha qatlamlarida tarqalgan bo’ladi.Materik (qit’a) larda o’simliklar yupqa qatlam hosil qilib joylashib, yer yuzini uzilishlar bilan o’rab olgan. O’simliklar qit’aning doimiy ravishda muzlik bilan qoplangan zonalarida va haddan tashqari quruk, cho’l zonalarida bo’lmaydi.