§Орол денгизи сув режими устида доимий кузатиш ишлари 1911 йилдан бошлаб олиб борилмоқда. Шу йилдан 1961 йилгача бўлган 50 йиллик давр ичида денгизнинг ўртача кўп йиллик сув сатҳининг мутлақ (абсолют) баландлиги 53,04 метрга тенг бўлган. Шу муддат давомида сув энг кўп бўлган 1936 йилда ўртача йиллик сув сатҳи 53,59 метргача кў­тарилган бўлса, сув энг кам бўлган 1919 йилда эса 52,61 метргача пасайган, бошқача қилиб айтганда 1911 йилдан 1961 йилгача Орол денгизининг ўртача йиллик сув сатҳи ±0,5 метр атрофида ўзгариб турган.