Дарё оқими йиллараро ўзгариб туради, яъни дарёда бир йил сув кўп бўлса, иккинчи йили унга нисбатан камроқ бўлиши мумкин. Бу ўзгаришлар иқлимий омилларга боғлиқ бўлиб, аниқ бир қонуниятга бўйсунмайди, лекин оқимнинг маълум бир ўртача миқдори атрофида тебраниб туради. Тебраниш амплитудаси турли дарёларда турлича қиймат­ларга эга бўлади. Дарё оқимини бир неча йиллар (25­30 йил) давомида узлуксиз кузатиш натижасида ҳосил бўлган қаторни тасо­дифий миқдорлар қатори деб қараш мумкин. Маълумки, тасодифий миқдорлардан ҳосил бўлган қатор ўзгарувчан­ вариацион қатор дейилади.   Кам сувли ва кўп сувли даврларнинг тўла цикли учун аниқланган ўртача кўп йиллик оқим миқдори оқим нор­масини ифодалайди.