Sóz qor – til gózelliginiń tiykarı bolıp, til baylıǵınıń hám mádeniy mirasımızdıń ajıralmas bólegi esaplanadı. Til tariyxı, dialektler menen shevelerdiń sózlik qorına tásiri kem úyrenilgen máselelerden biri bolıp qalıp atırǵanı sózlik qorınıń rawajlanıw jolların belgilewde qıyınshılıqlar tuwdırmaqta. Ádebiy til hám kórkem ádebiyatta sózlerdi qollanıw sheberligi ayrıqsha áhmiyetke iye bolsa da, bul tarawdaǵı izertlewlerdiń sanı jetkiliksiz.