XX asr ayollar she’riyatida Zulfiya ijodi, adabiy-estetik qarashlari, shaxsiyati alohida sahifani tashkil etadi. Kechgan asrning 40-yillaridan so‘ng yuz yillik poyoniga qadar Zulfiya fenomenichalik xalqaro e’tirofga sazovar bo‘lgan ayol ijodkorlar qardosh xalqlar adabiyotida ham kamdan-kam topiladi. U 1968 - yil Hindistonning Javoharlal Neru mukofotiga, 1969 - yil Hamza nomidagi Davlat mukofotiga, 1970 - yilda Xalqaro Nilufar mukofotiga sazovor bo‘ldi.