Sa’diy Sheroziy XIII asr fors-tojik adabiyotining buyuk shoiri va mutafakkiri hisoblanadi. U 1210-yilda Eronning Sheroz shahrida tug‘ilgan. Sa’diy Sharq mumtoz adabiyotida axloqiy-didaktik asarlari bilan mashhur bo‘lib, insoniy fazilatlar, odob-axloq va jamiyat hayotini yorituvchi asarlar yaratgan. Uning eng mashhur asarlari “Guliston” va “Bo‘ston” hisoblanadi. Sa’diy o‘z asarlarida insonni komillikka yetaklash, jamiyatni adolat asosida rivojlantirish va ma’naviy poklikni targ‘ib qilish g‘oyalarini ilgari surgan.