Ushbu maqolada o‘zbek tilining frazeologik birliklari semiotik jihatdan tahlil qilinadi. Frazeologizmlar milliy madaniyat, tarixiy tajriba va dunyo qarashning o‘ziga xos belgilar tizimi sifatida ko‘rib chiqiladi. Tadqiqotda o‘zbek xalqining milliy-madaniy xususiyatlari, qadriyatlari va mentaliteti frazeologik birliklar orqali qanday ifodalanishi semiotik yondashuv asosida ochib beriladi. Til birliklari ichida muhim o‘rin tutuvchi frazeologizmlarning ramziy ma‘nolari, ularning shakllanishida madaniy kodlarning roli hamda olamning til orqali aks etishi masalalari ko‘rib chiqiladi. Maqolada frazeologik manzara semiotik belgilar tizimi sifatida tavsiflanib, til va madaniyat o‘rtasidagi munosabatlar hamda milliy olamni anglashning lingvomadaniy jihatlari yoritiladi. Tadqiqot natijalari kognitiv lingvistika, semiotika va lingvokulturologiya sohalarida nazariy ahamiyatga ega.